Inoqatinut attaveqaatit ulluinnatsinni maanna naliginnaalernikuupput, aappaatigulli suli nutaajullutik. Ataatsikkut suli ilinniarparput qanorpiaq inoqatinut attaveqaatini pissuseqassanerluta kiisalu aappaatigut siammarteriuarluta susoqalaaraangat.
Malugiummit siunnersuutissatsialaat maani atuakkit, ukioq 2019-imi inoqatinut attaveqaatini qanoq innissannut:
The DOs:
1. Siammartereqqaartinnak eqqarsaqqaarit
Ajornanngissinnaasarput kamaqqanermi siammarteripallannissaq. Amerlanerpaartaatigulli siammartikkat taakkua tassaasarput peeqqittakkagut peqqissimissutigisartakkagulluunniit. Taamaammat tullissaani uumitsakkuit, eqqunngitsumik pineqaruit kamakkuilluunniit “del” toortinnagu utaqqeqqaalaarit eqqarsalaaqqaarniassagavit, imaassinnaasormi kamaammerneq qaangiuteqqiliivissoq.
Uani aamma eqqaalluarneqarsinnaavoq assit siammartigassat eqqarsaatigeqqaalaarnissaa, assersuutigalugu meeqqap assinga ajornanngitsunnguamik inunni allarluinnarni pisinnaavoq. Immaqaluunniit inuk alla ajortumik unioqqutitsinermilluunniit ilioraluaraluartoq tamanna siammertiinnarnissaa inerteqqutaavoq qanorluunniit taanna ajortuliortigigaluarpat. Nalorniguit inatsisit misissukkit.
2. Illiugit
Inoqatinut attaveqaatit toqqulaarfigissallugit periarfissatsialaapput, soorlu assinik kusassaanermik immaqaluunniit ullugissaarpallaanngikkaluarlutit assimi qungujupallalaarnermi. Sulili ilinnut takutitsisuupput, taamaammat illiguit ullulukkaluaruilluunniit – tamattami profil-it torraqqissaartuaannartut nuannarinngilagut 😉
3. Oqariartuutit tusaatiguk
Atoqqiineq pikkoriffigaajuk? Titartaallaqqippit? Taalliornermik nuannarisaqarpit immaqaluunniit oqaluuserisassat aaliangersimasut oqallisigissallugit nuannarilluinnarpigit? Taava periarfissarpassuit atorluakkit! 🙂 Twitterimi naatsukullammik torrallatanik oqaaseqarit, titartakkatit igaatit nunarpulluunniit kusanavissoq Instagram-imi takutiguk, sammisalluunniit ilinnut pingaarutillit Facebook-imi eqqartukkit. Periarfissatsialaat atorluakkit – periarfissaappummi 😉
The DONT’s:
1. Isertortumik pilerisaarinak
Influencer-iuit namminersortuuilluunniit, taava pilerisaarinissamut inatsisit avaqqunniarsaralugit inoqatinut attaveqaatini isertortumik pilerisaarinak toqqaannartumilli ersarissumik allaguk. Qanorpiaq annertutigisumik sunnertittarnerluta oqaqqissaartoqarsinnaanngilaq, tamattali isumaqatigiissutigisinnaavarput inoqatinut attaveqaatiniit tamavitta sunnertittarluta, tamannalu atornerlunneqarsinnaavoq iserortulli sunniiniarnikkut.
….aap suli sunnertissaagut #reklame -mik allaqqagaluarpat taamaamat eqqissillutit allalluaannaruk 😉
2. Toqqoqqavallaarnak
Tamatta kammaqarpugut siammarterinngisaannartumik kisiannili online-juaannartumik immaqaluunniit siammartikkanik malinnaaffiginnittuaannartumik. Tamattalu taanna eqqumiigilaartarparput… ilami marserniaannartoruna? Marserusukkuit qaa aamma illit takutitsilaarit 🙂
Immaqaluunniit misiginikuusimassavat kammalaat arlaat kommentar-ikkut indbakke-kkulluunniit allaffigigaluarlugu akineqarnak, ilaa nuannerpianngik? Taamaammat kommenterisoqarpat allaffigitikkuilluunnit naatsunnguugaluartumilluunniit akiuk. Naapitatimmi aperippata akinaveersaarnavianngilatit ilaa? 🙂
3. Nuanninngitsuinnaanngitsut
Ajornanngitsunnguusinnaavoq inoqatinut attaveqaatini nuanninngitsunut tiguartinnissaq, taamatuttaarli aamma nuanninngitsunik siammarteripallannissaq ajornanngitsigaluni. Tamarmik nuanninngitsumik sunniisarput aamma computerikkut pigaluarlutik.
Nuanniitsuinnaat kommenter-ertarpigit notifikationitit tamarmik aamma nuanninngitsut pillugit paasititsissapput taamaasillunilu inoqatinut attaveqaatit nuanninngitsuinnarnut eqqaanarlutik sammisaqarlutilluunniit. Taannaagunarpoq illinniarfigiuagassarput, killissarmi sumiippa? Qaqugu ingasappallaalerpa?