Inuit attaveqaqatigiittarfianiippit?
Sullitavilluunniit sumiiffianni aamma peqataarusuppit? Malugiuk ikiuilluarsinnaavoq.
Inuit attaveqaqatigiittarfianeereerpit angorusutatilli angussanagit? Malugiuk ikiuilluarsinnaavoq.
Attaveqaqatigiinnermut immikkoortortaqarfeqanngilatit isumaginnissinnaasumik? Saaffiginnissutit akinissaanut angummanneq ajulerpit? Malugiuk ikiuilluarsinnaavoq.
Eqqorusutatit eqqorlugit ussassaarerusuppit? Malugiuk ikiuilluarsinnaavoq.
Siammarterinissamut pikkorinnerulerusuppit? Malugiuk ikiuilluarsinnaavoq.
Attaveqaqatigiittarfiit sorlerpiaat atussanerlugit nalornivit? Malugiuk ikiuilluarsinnaavoq.
Uagut inuit
- Inunnut allanut qanittuuvugut
- Alapernaatsuuvugut
- Inunnut allanut immitsinnut assersuuttarpugut tassanilu inunnut attaveqaqatigiittarfinni takusatsinnut aamma
- Nersugaanissaq tunngaviusumik pisariaqartitaraarput allanimmi takuneqarneq nersorneqarnerlu nuannaarnerulersittarmatigut nunarsuarmilu ilaasutut inissaqartutullu misigitittarluta
- Oqaluttuarneq nuannarisuuarput
- Inoqatigut sammissallugit attaveqarfigalugillu nuannarisuuarput
- Allat silarsuaannik takunninneq nuannarisaraarput
Tamakkorpassuillu inuit attaveqaqatigiittarfianni piviusunngortissinnaasarpagut, tamannalu Malugiummi sulinermi tunuliaqutaavoq. Inuttut attaveqaqatigiinnerput suliffeqarfiup attaveqaqatigiinnissamut pilersaarutaani tamanut iluaqutaalluartussatut ilaatillugu.
Nittarsaaneq
Inuit attaveqaqatigiittarfii suliffeqarfiup nittarsaannissaanut atortutsialassuupput. Tassanimi sullitat malinnaasullu naapinneqarsinnaapput sumiiffigisaanni. Suliffeqarfik inuppassuarnit takuneqarsinnaanngortinneqarsinnaavoq, nittartakkamut aqqutissiuilluarsinnaasoq tunisassianillu tunisineruffiusinnaalluartuulluni.
Pilersaarusiorluarneq atorlugu sunarpiaq angorusunnerlugu aaliangerneqarsinnaavoq, qanorpiaq iluaqutigissanerlugu siunertaralugu atorluaasoqarsinnaavoq, kikkorpiaat saaffigerusunnerlugit aaliangerlugu qanorlu attaveqaqatigissanerlugit aallunneqarluarsinnaalluni.
Tamakkualu inisseriarpata siammartigassanik pilersaarusiorneq ajornanngitsumik nuannersumillu ingerlanneqarsinnaalluni iluaqutaalluartussamik.
Pilersaarusiorluarnissamut sullinneqarit, pikkorissarnerni peqataagit Malugiummulluunniit quppernerit ingerlatsiguk nalunagu suliffeqarfivit pitsaasumik angusaqarnissaanut sullinneqarlutit.